قصة سايكو كتابة حماده هيكل

تاني ليله تباتها معايا ماما ومفيش اي حاجه حصلت
فات كام يوم بعدها وفعلا مفيش اي شئ غريب
سمعته او حسيته واضح ان كان عندهم حق
ويمكن انا بتخيل والفيديو دا متصورش من اصله
بعد اسبوع رجع نفس الشعور ولكن بشكل مختلف
انا بقيت بسمع خطواته بتقرب مني
في كل ليلة الشئ دا تجاوز مرحلة المراقبه
وابتدا يتحرك
كنت بموت من الرعب وانا سامعه انفاسه
وفي مره قرب اكتر وحسيته بيشم في شعري
خايفه اتلفت واشوفه يعمل فيا حاجه
وخايفه اكتر اقولهم وهيقولوا اني اتجننت بجد
كنت في صراع نفسي رهيب دايما خايفه ومرعوبه
وبقيت بخاف اكتر من الليل والضلمه
نفسي الليل ميجيش تاني والدنيا تفضل نهار على طول
وصلت لمرحله صعبه جدا ولكني قررت اواجه
خوفي واتحدى القلق والرعب اللي سيطر عليا واوجه
الشئ دا ويحصل اللي يحصل
ايه هيموتني يعني ياريت عشان ارتاح
ولا اني افضل عايشه وبموت كل ليله من الرعب
بسبب خوفي
منه
اتجشعت وقررت أنهي المهزلة دي الليلة
ولو هموت
بالفعل تظاهرت اني نايمه حسيته معايا في الاوضه
ابتدا يقرب خطواته مع دقات قلبي ايقاعهم
كان بيزيد بشكل طردي
انفاسه المخيفه قرب اكتر عدلت نفسي
وبسرعه سحبت السكين من تحت المخده
وضربته في ايده سمعت صوت صرخته المكتومه
في دم تناثر على وشي خطواته المهزوزه
ناحية البلكونه وهو بيهرب
ولعت النور وجريت وراه
كان في حبل نازل من البلكونه اللي فوقي
اتشعلق فيه وهو بيحاول يهرب
اصابة ايده كانت قويه جسمه كان اتقل
من انه يتسلق الحبل بأيد واحده في نص الطريق
ايده سابت وهو بيبص لي والدموع في عينه
وقال بصوت عالي
بحبااااك
وفي اقل من 3 ثواني كان نزل
جثه هامدة تحت العماره
صوت أنذارها اشتغل يدوي جامد
وابتدت تتلم عليه الناس اللي ف الشارع
دخلت في نوبة بكا وصراخ شديده وبابا دخل وخدني في حضنه وفضل يهديني
عرفت بعدها ان دا كان ساكن جديد في الدور اللي فوقينا
كان عنده مشاكل نفسيه وانه كان بيخاطر بنفسه
كل ليله وبينزل من شقته لأوضتي من خلال الحبل
عشان يشوفني اكيد عرف اني سجلتله وهو اللي حذف الفيديو بنفسه لما سمعت صوت خبط لما كنت في المطبخ
انا قابلته كام مره قبل كدا وكانت نظراته ليا غريبه فعلا
لكني متوقعتش ابدا انه ممكن يعمل كدا
هو دا اللي بقوله عليه ومن الحب ما قتل !!
معرفش
لو خوفت أواجهه ليلتها
كان ممكن يعمل فيا ايه!!
تمت
سايكو
حماده هيكل
أتمني القصة تعجبكم
وتقرأ القصص التي فاتت وتستنى القصص الجاية